Xaçmazda saxlanılan hərbi komissar Rahim Ağayevin cinayət işi üzrə məhkəmə istintaqı başa çatıb. “ShimalNews” “Qafqazinfo”ya istinadən xəbər verir ki, proses Bakı Hərbi Məhkəməsində baş tutub.
Prokuror R.Ağayevin təqsirli bilinərək ciddi rejimli cəzaçəkmə müəssisəsində 9 il 6 ay azadlıqdan məhrum edilməsini tələb edib. Hakim Rafiq Abbasov vəkilə müdafiə çıxışına hazırlanması üçün avqustun 27-nə kimi vaxt verib.
Səfərbərlik və Hərbi Xidmətə Çağırış üzrə Dövlət Xidmətinin Xaçmaz Rayon Şöbəsinin sabiq rəisi Rahim Ağayev Baş Prokuror yanında Korrupsiyaya qarşı Mübarizə Baş İdarəsi tərəfindən həbs edilib. O, təkrar rüşvət alma və vəzifə səlahiyyətlərindən sui-istifadə etmə maddələri ilə ittiham olunub.
