Xaçmazda aqropark gənclər üçün “Təcrübə proqramı” elan edib. Bu barədə ShimalNews 2 sentyabr tarixində adıçəkilən müəssisəyə istinadən məlumat verir.
Ölkənin Yalama qəsəbəsində yerləşən ən böyük aqroparkı tələbələr üçün 6 ay ərzində təcrübə qazanmaq imkanı yaradacaq. Aşağıda qeyd olunan sahələr üzrə təhsil almış gənclər proqramda iştirak edə bilərlər:
- Maliyyə/Mühasibatlıq;
- Menecment;
- Zootexnika;
- Baytarlıq (baytar həkim, feldşer, süni mayalanma texniki);
- Aqronomluq;
- Aqromühəndislik.
Quba, Qusar, Xaçmaz rayonlarından olan şəxslər CV-lərini [email protected] elektron ünvanına mövzu yerində “Təcrübə proqramı” qeyd etməklə göndərə bilərlər.
Proqramı uğurla bitirən namizədlər iş ilə təmin olunacaqlar. Yaşayış yeri və gündəlik qidalanma şirkət tərəfindən təmin edilir.
