Oğuz rayonunda 1988-ci ildən istifadəyə verilmiş şəhər stadionu uzun illərdir təmir olunmadığı üçün yararsız vəziyyətə düşüb.
Məsələ ilə bağlı Shimal.News-a danışan yerli sakinlərin sözlərinə görə, stadionun vəziyyəti günü-gündən pisləşir. Azarkeşlər üçün nəzərdə tutulan oturacaqları sınıb, stadion ərazisi isə tullantılardan təmizlənmədiyi üçün zibilliyə çevrilib.
“Hazırda rayondaxili futbol yarışları ot örtüyü yararsız olan bu stadionda keçirilir. Dəfələrlə aidiyyəti qurumlara müraciət etsək də, heç bir tədbir görülməyib”,- deyə onlar bildiriblər.
