Quba rayonunda gənclərin təhsil və inkişafının istiqamətləndirilməsi üçün “Bacardım” adlı yay düşərgəsi həyata keçirilib. Bu barədə ShimalNews 7 sentyabr tarixində Azərtac-a istinadən məlumat verir.
Ölkəmizdə sığınacaqda yaşayan gənclər üçün düşərgə keçirilib. Burada məqsəd iştirakçıların bacarıqlarını artırmaq, sosial adaptasiya prosesini sürətləndirmək, yeni təhsil imkanları və peşələrlə bağlı məlumatlandırmaq, onların incəsənətə və mütaliəyə marağını artıraraq istedad və bacarıqlarını kəşf etmək, eləcə də həssas qrupa aid gənclərin təhsil və inkişaf ehtiyaclarını müəyyən etməkdən ibarət olub.
Düşərgə 5 gün davam edib. Müxtəlif sığınacaqlarda yaşayan 30 gənc fərqli mövzularda keçirilən təlim və ustad dərsləri, eləcə də fərdi psixoloji konsultasiyalardan faydalanıb.
Həmçinin düşərgə müddətində gənclər Quba rayonunun tarixi abidələrinə səfər edib, asudə vaxtlarında isə üzgüçülük, tennis və digər əyləncə imkanlarından yararlanıblar.
