ShimalNews xəbər verir ki, Məzahir Pənahov 125 dairə üzrə 5895 məntəqənin nəticələrinin, yəni məntəqələrin 91 faizinin məlumatlarının artıq Mərkəzi Seçki Komissiyasına daxil olduğunu bildirib.

Sonra MSK sədri seçkilərin ilkin nəticələrinə görə liderlik edən namizədlərin siyahısını diqqətə çatdırıb.

55 saylı Siyəzən-Quba-Xızı seçki dairəsi - Məmmədli Müşfiq Fazil oğlu – 10 min 549 səs (59,8 faiz). 56 saylı Şabran-Xaçmaz seçki dairəsi - Süleymanlı Mahir Tahir oğlu – 10 min 131 səs (59,6 faiz). 57 saylı Xaçmaz şəhər seçki dairəsi - Vəliyev Ağalar İsrafil oğlu – 11 min 902 səs (64,2 faiz). 58 saylı Xaçmaz kənd seçki dairəsi - Mikayılova Sevil Əlirazı qızı – 8 min 433 səs (49 faiz). 59 saylı Quba seçki dairəsi - Məhərrəmzadə Əlibala Səttar oğlu – 12 min 23 səs (57,4 faiz). 60 saylı Quba-Qusar seçki dairəsi - Rafailov Anatoliy Xaimoviç – 11 min 177 səs (52,3 faiz). 61 saylı Qusar seçki dairəsi - Badamov Azər Camal oğlu – 7 min 346 səs (56,6 faiz).

87 saylı Qobustan-Şamaxı-İsmayıllı seçki dairəsi - Seyidzadə Şahin Kamil oğlu – 12 min 396 səs (60,3 faiz). 88 saylı Şamaxı seçki dairəsi - Cəfərova Tamam Şaməmməd qızı – 9 min 498 səs (48 faiz). 89 saylı İsmayıllı seçki dairəsi - Aslanov Novruzəli Davud oğlu – 10 min 682 səs (55,4 faiz). 90 saylı Ağsu seçki dairəsi - Mirzəbəyli Elçin Əbdülrəhim oğlu – 10 min 531 səs (51,5 faiz).

110 saylı Balakən seçki dairəsi - Məhəməliyev Nəsib Məhəmməd oğlu – 11 min 245 səs (59,4 faiz). 111 saylı Zaqatala-Balakən seçki dairəsi - Kərimli Azər Şəmşid oğlu – 10 min 860 səs (59,3 faiz). 112 saylı Zaqatala seçki dairəsi - Əsgərov Asif Yunis oğlu – 12 min 942 səs (80 faiz). 113 saylı Qax-Şəki seçki dairəsi - Məsimli Əli Əhməd oğlu – 10 min 59 səs (53,6 faiz). 114 saylı Şəki şəhər seçki dairəsi - İskəndərov Vüqar Yapon oğlu – 11 min 57 səs (57,6 faiz). 115 saylı Şəki kənd seçki dairəsi - Feyziyev Cavanşir Əyyub oğlu – 11 min 123 səs (56,5 faiz). 116 saylı Qəbələ seçki dairəsi - Musayev Elşən Məmmədhənifə oğlu – 10 min 432 səs (52,5 faiz). 117 saylı Oğuz-Qəbələ-Şəki seçki dairəsi - Qurbanov Eyvaz Daşdəmir oğlu – 11 min 951 səs (59,9 faiz).

“Bir daha təkrar edirəm ki, bu, Mərkəzi Seçki Komissiyasına daxil olan 6478 məntəqənin 91 faizinin, yəni 5895 məntəqənin rəqəmləridir və ilkin nəticələrdir. Ölkə üzrə seçici fəallığı 37,27 faiz olub. Sabahdan etibarən dairə seçki komissiyalarının protokolları MSK-ya daxil olmağa başlayacaq. İki gün müddətində bütün 125 seçki dairəsindən DSK-nın protokolları MSK-ya daxil olduqdan sonra MSK-nın üzvləri, işçi və ekspert qrupları bu sənədləri araşdıracaq. MSK-ya əgər hansısa müraciət, şikayət daxil olubsa, onların hamısı araşdırılacaq. MSK bu proseslərə ən geci 20 gün müddətində yekun vuracaq. Araşdırmalar başa çatdıqdan sonra MSK qərar qəbul edəcək və daxil olmuş bütün sənədlər MSK-nın və DSK-ların protokolları ilə birlikdə Konstitusiya Məhkəməsinə təqdim olunacaq”, - deyə M.Pənahov bildirib.

Sonra jurnalistlərin sualları cavablandırılıb.