Meymunçiçəyinin aşkarlanması üçün testlər və xəstəliyə qarşı lazımi dərmanlar Azərbaycana gətirilib. Bu haqda ShimalNews 19 avqust tarixində “Caucasian Bureau”ya istinadən məlumat verir.
Ölkəmizdə virusa yoluxma halı qeydə alınmasa da, infeksiyanın yayılmaması məqsədilə bütün ilkin profilaktik tədbirlər aidiyyəti qurumlar tərəfindən icra olunur.
Afrikada artıq 17 min nəfərin bu virusa yoluxma halı müəyyən edilib, 500-dən çox insan ölüb. Xəstəlik Afrika qitəsinin hüdudlarından kənara da yayılıb: İsveç və Pakistanda da yoluxma halları olub. Bu səbəbdən Çin sərhəddə məhdudiyyətlər tətbiq edib.
Hazırda Azərbaycanda digər infeksiyalar da nəzərə alınmaqla epidemioloji durum sabitdir.
