Xaçmaz rayonundakı pivə istehsalı müəssisəsində yoxlamalar aparılıb. Bu haqda ShimalNews 17 oktyabr tarixində Qida Təhlükəsizliyi Agentliyinə istinadən məlumat verir.
Qaraqurdlu kəndində fəaliyyət göstərən, “Marşal-Xaçmaz” MMC-yə məxsus obyektdə temperatur rejiminə əməl olunmadığı, anbar sahəsində saxlanılan xammal məhsullarının antisanitar şəraitdə saxlanıldığı və digər nöqsanlar müəyyən olunub.
Faktla bağlı sahibkar barəsində inzibati protokol tərtib edilib, müəssisənin fəaliyyəti məhdudlaşdırılıb.
Bundan əlavə, Qida Təhlükəsizliyi İnstitutunun müvafiq laboratoriyasına təqdim edilmiş nümunələrdə koliform bakteriyaları aşkarlanıb. İstehlaka yararsız məhsullar məhv edilib.
