Azərbaycan Respublikası Ali Məhkəməsi “Elektron məhkəmə” sistemini inkişaf etdirərək məhkəmələrə elektron müraciət imkanını artırıb.
ShimalNews xəbər verir ki, indi “Elektron kabinet” istifadəçiləri, dövlət orqanları apellyasiya instansiyası məhkəməsinə iddia ərizələrini elektron şəkildə göndərə bilər. Bu sistem işin gedişatı, məhkəmə aktları və şikayətlər haqqında operativ məlumat əldə etməyə imkan tanıyır.
İstifadəçilər “Elektron kabinet”ə daxil olub, “Yeni ərizə” bölməsindən müvafiq məhkəməni seçərək iddia ərizələrini elektron imza ilə təsdiqləməlidirlər. Bu dəyişiklik seçki hüquqları, media, siyasi partiyalar və Mərkəzi Seçki Komissiyasının qərarları ilə bağlı mübahisələrin daha sürətli həllinə kömək edəcək.
