Mərkəzi Seçki Komissiyası növbədənkənar parlament seçkilərinin ilkin nəticələrini ictimaiyyətə təqdim edib. ShimalNews xəbər verir ki, 58 saylı Xaçmaz kənd seçki dairəsindən namizədliyini irəli sürən Sevil Mikayılova 49% səsl toplayıb.
Sevil Mikayılova 1974-cü il iyunun 27-də Bakı şəhərində anadan olub. Azərbaycan Dövlət Dillər Universitetinin İngilis dili fakültəsini bitirib. 1992–1996-cı illərdə Sumqayıt şəhəri Uşaq və Yeniyetmələrin Yaradıcılıq Mərkəzində, 1996–1999-cu illərdə Bakı Elmi-Tədris Mərkəzinin İnformatika və İdarəetmə İnstitutunda ingilis dili müəllimi olub.
1996–1998-ci illərdə Azərbaycan Dövlət Teleradio Verilişləri Şirkətində redaktor, 1999– 2001-ci illərdə «Midiya Press» İnformasiya Agentliyində, 2001–2004-cü illərdə «525-ci qəzet»də tərcüməçi işləmişdir. 2004–2012-ci illərdə «Trend» İnformasiya Agentliyində tərcüməçi, Tərcümə mərkəzinin direktoru, Tərcümə departamentinin direktoru, 2012–2017-ci illərdə «Azernews» qəzetinin baş redaktoru vəzifələrində çalışmışdır. 2017-ci ildən «Trend» İnformasiya Agentliyi baş direktorunun müavinidir.
Bir övladı var.
