Fövqəladə hallarla bağlı davranış qaydaları barədə əhalinin maarifləndirilməsi məqsədilə tədbir keçirilib. Bu barədə ShimalNews 3 sentyabr tarixində Fövqəladə Hallar Nazirliyinə istinadən məlumat verir.
Seminar Şimal Regional Mərkəzi tərəfindən Qusar rayon Mərkəzləşdirilmiş kitabxana sistemində baş tutub.
Bu zaman fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib. Eləcə də FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
