Əmək və əhalinin sosial müdafiəsi nazirinin müavini Hidayət Abdullayev Xaçmaz və Quba rayonlarının sakinlərini qəbul edib. Bu barədə ShimalNews 27 yanvar tarixində məlumat verir.
Görüş Xaçmazda baş tutub. Qəbul zamanı sosial təminat, məşğulluq proqramlarına, o cümlədən özünüməşğulluq proqramına cəlb olunma, əlillik, mənzillə təminat və s. məsələlərlə bağlı müraciətlər dinlənilib.
Hər bir vətəndaşın müraciəti fərdi qaydada araşdırılaraq nəticəsinə uyğun tədbirlər görülüb. Qanunvericiliyə uyğun izahatlar verilib.
Vətəndaşlar müraciətləri əsasında reabilitasiya xidmətlərinə, aktiv məşğulluq proqramlarına, habelə özünüməşğulluq proqramına cəlb edilmələri üçün qeydiyyata alınıblar.
