Bu ilin yanvar-sentyabr ayları ərzində Ədliyyə Nazirliyinin rayon (şəhər) qeydiyyat şöbələri 72 min 210 körpə doğumu qeydə alıb.
Shimal.News xəbər verir ki, bu barədə məlumatı Dövlət Statistika Komitəsi açıqlayıb.
Göstərici əhalinin hər 1000 nəfərinə ötən ilin müvafiq dövrü ilə müqayisədə azalaraq 10,1-dən 9,4-ə düşüb.
Doğulan körpələr arasında oğlan uşaqlarının xüsusi çəkisi 53,1 faiz, qız uşaqlarının xüsusi çəkisi isə 46,9 faiz olub. Onlardan 2422-si əkiz, 78-i isə üçəm olub.
Hər 1000 nəfərə doğum səviyyəsi Dağlıq Şirvan (12,0), Lənkəran-Astara (11,4), Qarabağ (11,2), Şərqi Zəngəzur (11,0), Mil-Muğan (10,8), Şirvan-Salyan (10,7), Qazax-Tovuz, Quba-Xaçmaz və Mərkəzi Aran (10,5) iqtisadi rayonlarında ölkə göstəricisindən (9,4) yüksək olub.
