Quba Regional Perinatal Mərkəzində doğuş zamanı dünyasını dəyişən qadınla bağlı yeni detallar məlum olub.
TƏBİB-dən “ShimalNews”un sorğusuna cavab olaraq bildirilib ki, avqustun 21-də 2000-ci il təvəllüdlü 38 həftəlik hamilə olan Xaçmaz rayon sakini Samirə Nəsirova “uşaqlıq üzərində çapıq" diaqnozu ilə Quba Rayon Mərkəzi Xəstəxanasının Regional Perinatal Mərkəzinə yerləşdirilib. Müayinələr aparıldıqdan sonra uşaqlıq üzərində çapıq və başlamış doğuş fəaliyyətini nəzərə alaraq, təkrar keysəriyyə kəsiyi əməliyyatı həyata keçirilib.
“Saat 13:55-də spinal anesteziya tətbiq olunan zaman anada anafilaktik şok əlamətləri müşahidə olunub. Göstərilən tam həcmli intensiv reanimasion tədbirlərə baxmayaraq, ana və bətnindəki körpənin 21.08.2024-cü il saat 15:00 radələrində ölüm faktı qeydə alınıb”.
Qeyd edək ki, Xaçmaz rayonun Hülövlü kənd sakini, 24 yaşlı Samirə Nəsirova körpəsi ilə birlikdə doğuş zamanı vəfat edib.
Faktla bağlı araşdırma aparılır.
