Xaçmazda yerləşən Samur-Yalama Milli Parkının yaranması günü ilə bağlı “Açıq qapı” günü keçirilir. Burada ziyarətçilər üçün maarifləndirici və rəngarəng tədbirlər təşkil olunub. Bu barədə ShimalNews 5 noyabr tarixində Ekologiya və Təbii Sərvətlər Nazirliyinə istinadən məlumat verir.
Tədbir çərçivəsində “Samur Yalama Milli Parkının tanıtımı” adlı rəsm sərgisi, gənclər arasında səmti müəyyənetmə yarışı, milli parkdakı flora və fauna nümunələrindən ibarət fotosərgi, məktəblilərin tullantılardan hazırladıqları müxtəlif əl işlərinin nümayişi həyata keçiriləcək.
Bioloji Müxtəlifliyin Qorunması Xidmətinin rəsmisi Rəşad Allahverdiyev bildirib ki, bu milli park ölkəmizdə Xəzər dənizini sıx meşələrlə birləşdirən yeganə ərazidir. Burada ziyarətçilər turizm marşrutları boyunca hərəkət edərək unikal təbiət mənzərələrini seyr edə və dənizin sahilində quşların müşahidəsini apara bilərlər.
[caption id="attachment_30570" align="alignnone" width="640"]
[/caption]
[caption id="attachment_30569" align="alignnone" width="640"]
[/caption]
