2020-ci ilin 27 sentyabrında saat 06:00 radələrində Ermənistan silahlı qüvvələri təxribat törədərək cəbhəboyu zonada Azərbaycan Ordusunun mövqelərini intensiv atəşə tutdu. Bu, İkinci Qarabağ müharibəsinin başlanmasına səbəb oldu. Həmin vaxt Azərbaycanda hərbi vəziyyət, komendant saatı və qismən səfərbərlik elan olundu.
44 gün sürən hərbi əməliyyatlar nəticəsində Azərbaycan Ordusu Cəbrayıl, Füzuli, Zəngilan, Qubadlı, Şuşa şəhərlərini, işğal olunmuş rayonların 300-dən çox yaşayış məntəqəsini, həmçinin Ağdərə, Murovdağ və Zəngilan istiqamətlərində mühüm strateji yüksəklikləri işğaldan azad etdi. 10 noyabr 2020-ci ildə Azərbaycan, Ermənistan və Rusiya arasında imzalanan bəyanatdan sonra isə 20 noyabr - Ağdam, 25 noyabr - Kəlbəcər, 1 dekabr isə Laçın rayonu işğaldan azad olunmuşdur.
Vətən müharibəsi 8 noyabrda, Şuşanın azad edilməsindən sonra İlham Əliyev, Vladimir Putin və Nikol Paşinyan arasında 10 noyabr 2020-ci ildə üçtərəfli atəşkəs bəyanatı imzalanması ilə başa çatdı.
Prezident İlham Əliyev 2 dekabr 2020-ci ildə hər il sentyabrın 27-sinin Azərbaycan Respublikasında Anım Günü kimi qeyd edilməsi haqqında Sərəncam imzaladı.
Vətən müharibəsi nəticəsində, 2908 hərbi qulluqçu şəhid olub, 6 nəfər isə itkin düşüb.
Allah şəhidlərimizə rəhmət eləsin!
İstinad edilən mənbələr:
