Balakəndə xurmaçılığın təbliği və yerli məhsulların tanıdılması məqsədilə sayca beşinci Xurma festivalı baş tutub.
Shimal.News xəbər verir ki, tədbir Balakən Rayon İcra Hakimiyyətinin təşkilatçılığı, Kənd Təsərrüfatı və Mədəniyyət nazirliklərinin, Aqrar İnnovasiya Mərkəzinin və “Balxurma” MMC-nin dəstəyi ilə keçirilib.
Ümummilli Lider Heydər Əliyev adına parkda qonaqları ənənəvi xonça, çörək və şərbətlə qarşılayıblar. Tədbir çərçivəsində park ərazisində xurma ağacları əkilib, kənd təsərrüfatı məhsulları, eləcə də xurmadan hazırlanan kulinariya nümunələri sərgilənib.
Ziyarətçilər Balakən mətbəxinin ləzzətlərindən dadıblar, folklor kollektivlərinin çıxışlarını izləyiblər. Festivalda xurma, alma, armud, qoz, fındıq, “Azəryem Sənaye” MMC və yerli konserv zavodunun məhsulları təqdim olunub.
Balakəndə Xurma festivalı ilk dəfə 2017-ci ildə keçirilib və artıq bölgənin ənənəvi kənd təsərrüfatı bayramına çevrilib.
