Qusarda Aqrar Sığorta Fondunun İdarə Heyətinin sədri Fuad Sadıqov vətəndaş qəbulu keçirib. Bu haqda ShimalNews 28 noyabr tarixində fonda istinadən məlumat verir.
Sədrlə görüşə gələn vətəndaşların müraciətləri, əsasən, müxtəlif əkinlər üçün aqrar sığorta haqlarının hesablanması və ödənişi, baş verən hadisələrə görə sığorta ödənişlərinin həyata keçirilməsi, meyvə bağlarına dəyən zərərlərə görə sığorta ödənişlərinin verilməsi, əkin sahələrinin sığortalanması və əkin subsidiyalarının ödənilməsi ilə bağlı olub. Sadıqov qaldırılan məsələlərlə bağlı izah və məlumat verib, onların qısa müddətdə həll edilməsi üçün müvafiq tapşırıqlar verib.
Aqrar Sığorta Fondunun fəaliyyət dairəsinə aid olmayan müraciətlər müvafiq qurumlara çatdırılmaq üçün qeydiyyata alınıb.
