Ağsu Rayon Mərkəzi Xəstəxanası dəm qazından zəhərlənən şəxslər barədə məlumat verdi:
25.11.2025-ci il tarixində saat 04:30 radələrində zəhərlənmə şübhəsilə 2 nəfər (biri kişi, biri qadın) Ağsu Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
1987-ci il (qadın) və 2018-ci il (kişi) təvəllüdlü şəxslərə dəm qazından zəhərlənmə diaqnozu təyin olunub və zəruri tibbi xidmət göstərilib.
Müalicələri Reanimasiya şöbəsində davam etdirilən hər iki pasiyentin vəziyyəti kafi qiymətləndirilir.
***
Ağsu şəhərində dəm qazından zəhərlənmə hadisə qeydə alınıb.
Apa.az-ın məlumatına görə, şəhər sakini 38 yaşlı Vəfa Teymurova və oğlu 7 yaşlı Məhəmməd Həsən oğlu Teymurov dəm qazından zəhərlənmə diaqnozu ilə rayon mərkəzi xəstəxanasına çatdırılıb.
Hazırda vəziyyətlərinin ağır olduğu bildirilir.
