Əməkdar artist Rafael İsgəndərov 16 il sonra Qusarda çəkildiyi filmin məkanlarını bir daha ziyarət edib. Bu barədə ShimalNews 27 dekabr tarixində Axşam.az-a istinadən məlumat verir.
Teletamaşanın çəkildiyi yerə gələn Rafael ekran işindən söz açıb:
"Hərənin öz payı, öz tayı"... Bu film 2006-cı ildə Qusar rayonunda çəkilib. İlk dəfə prodüser kimi bu filmdə özümü sınamışam. Uzun illərdən sonra bu yerlərə qayıtmaq xoş idi".
Film məişət əhvalatı üzərində qurulub: Mayıl (Rafael İsgəndərov) və Qəndab (Samirə Əliyeva) bir ildir ki, nişanlıdırlar. Bakıya oxumağa getmiş Qəndab geri qayıdanda valideynlərindən nişan üzüyünü qaytarmağı tələb edir. Hadisələrin gedişatında məlum olur ki, Qəndab Bakıda Fəqan (Coşqun Rəhimov) adlı bir gənclə tanış olub və onlar bir-birini sevirlər. Fəqan da sevgilisinin arxasınca kəndə gəlir və bundan sonra hadisələr daha da mürəkkəbləşir.
View this post on Instagram
