ADPU-nun Quba filialında Sənəd Qəbulu Komissiyası fəaliyyətə başlayıb. Bu barədə ShimalNews 6 sentyabr tarixində universitetə istinadən məlumat verir.
Quba filialına qəbul olmuş abituriyentlərin https://portal.edu.az/ saytı üzərindən elektron qeydiyyatının aparılması 12 sentyabr 2022-ci il tarixində saat 23:59-da yekunlaşması gözlənilir.
2022/2023-cü tədris ilində universitetə bakalavriat səviyyəsi üzrə 305 nəfər qəbul olunub, bu isə qəbul planının 95,31%-ni təşkil edir. Boş qalan plan yerlərinə II tur üzrə ixtisas seçimi elan edilib.
Abituriyentlər universitetə gələrək Sənəd Qəbulu Komissiyasının köməyi ilə portaldan qeydiyyatdan keçə, lazım olan sənədləri portala yükləyə bilərlər.
