Əmək və Əhalinin Sosial Müdafiəsi Nazirliyinin Aparat rəhbəri Qusar rayon sakinlərini qəbul edəcək. Bu haqda ShimalNews 30 noyabr tarixində quruma istinadən məlumat verir.
Fuad Musayevlə görüş dekabrın 9-u baş tutacaq. Vətəndaşlar 30 noyabr - 6 dekabr tarixlərində nazirliyə rəsmi şəkildə ([email protected] elektron ünvanı və ya poçt vasitəsilə) müraciət edərək və ya 142 - Çağrı Mərkəzi ilə əlaqə saxlayaraq qəbula yazıla bilərlər.
Qəbula yazılmış şəxslər əvvəlcədən tərtib edilmiş siyahı əsasında qəbul ediləcəklər. Görüş zamanı nazirliyin səlahiyyət dairəsinə aid müraciətlər cavablandırılacaq, müraciətlərdə əksini tapan məsələlərin həlli ilə əlaqədar tədbirlər görüləcək.
