Quba rayonunun 1-ci Nügədi kəndində marşrut yolunun vəziyyəti sakinlərin narazılığına səbəb olub.
Məsələ ilə bağlı Shimal.News-a danışan kənd sakinlərinin sözlərinə görə, 5-ci məhəlləyə gedən əsas yol uzun illərdir asfaltlanmır. Yol boyu iri daşlar, dərin çalalar və torpaq hissələr piyadaların və nəqliyyat vasitələrinin hərəkətini çətinləşdirir.
“Bu yoldan uşaqlar hər gün məktəbə gedib-gəlirlər. Yağış yağanda küçə sanki gölə çevrilir, qışda isə palçıqdan keçmək mümkün olmur. Maşınlarımız sıradan çıxır, piyadalar da tez-tez yıxılıb, zədələnirlər”, - deyə sakinlər bildiriblər.
Onların sözlərinə görə, hər il vəziyyət daha da pisləşir, iri daşlar üzə çıxır və yolun dərin hissələri su ilə dolur. Sakinlər aidiyyəti qurumlardan yolun təmir olunmasını və təhlükəsiz hərəkət şəraitinin yaradılmasını xahiş edirlər.
