Xaçmaz rayonunda 8 Noyabr - Zəfər Günü münasibətilə silsilə tədbirlər keçirilib. Bu haqda ShimalNews 8 noyabr tarixində Xaçmaz Rayon İcra Hakimiyyətinə istinadən məlumat verir.
İcra başçısı Elnur Rzayev, yerli hüquq-mühafizə orqanlarının rəhbərləri, ziyalılar və ictimaiyyət nümayəndələri gülqoyma mərasimində iştirak ediblər. Onlar ümummili lider Heydər Əliyevin abidəsini və Şəhidlər xiyabanını ziyarət ediblər. Vətən uğrunda canından keçmiş qəhrəmanların əziz xatirəsi yad edilib.
Eləcə də rayon ərazisində ekoloji aksiya təşkil olunub. Şəhərin Ziya Bünyadov küçəsində ağaclar əkilib. Köhnə ağaclara isə aqrotexniki qulluq göstərilib və suvarılması təmin edilib.
Xaçmaz rayonunda sentyabr ayının 27-dən bu günədək 3000 ağac əkilib.
