Xaçmazın Qoçaqlı kənd sakinləri sənədləri ilə bağlı çətinliklərlə qarşılaşırlar. Bu haqda ShimalNews 12 yanvar tarixində “Apa” TV-yə istinadən məlumat verir.
Qoçaqlı, Qoçaqqazma, Qozaqlı və Qozaqqazma. Bütün bunlar əhalisi 1115 nəfər olan kəndin adıdır. Onu kimin ürəyi necə istəyir, elə də yazır. Sakinlər isə istəyirlər ki, əvvəlki dövrlərdə olduğu kimi, yaşayış məntəqəsi Qoçaqlı adlandırılsın.
Məsələ ilə bağlı icra nümayəndəliyindən bildirildi ki, 1998-1999-cu illərdə torpaq islahatları dövründə kəndin adı Qoçaqqazma kimi qeydiyyata alınıb. Mərhələli şəkildə bütün sənədlərdə və lövhələrdə də yaşayış məntəqəsinin adı Qoçaqqazma olaraq dəyişdiriləcək.
O ki qaldı kəndin adının hansı zərurətdən dəyişdirilməsinə, bu sualın cavabını kimsə bilmir.
[video width="1920" height="1080" mp4="https://shimal.news/storage/photos/2024/01/atv.mp4"][/video]
