Qusarda Şahdağ yolunda iki məsələ ilə bağlı sakinlər şikayətlərini bildirirlər.
Shimal.News xəbər verir ki, avtobus dayanacaqlarının birinin qarşısında yolun hərəkət hissəsini su basıb. Digər məsələ isə piyadaların hərəkətinə mane olan dəmir konstruksiyalar səkiyə sancılıb.
Su basma təxminən bir aya yaxındır ki, davam edir. Səkinin zəbt olunması isə illərdir davam edir.
Sakinlərin sözlərinə görə, dəmir konstruksiyalar səbəbindən səkidə cəmi 30 santimetr enində keçid qalıb. Onlar ayaqlarının dəmirə ilişərək xəsarət ala biləcəyindən ehtiyat etdikləri üçün çox vaxt həyatlarını riskə atıb avtomobil yolunda hərəkət etməyi daha təhlükəsiz hesab edirlər.
Vətəndaşlar düşünürlər ki, dəmir parçaları bir qədər geridə quraşdırılsaydı, piyadaların hərəkətinə maneə yaranmazdı.
Vətəndaşlar hər iki məsləyə diqqət ayrılmasını zəruri bilirlər.
