Qusar-Xudat yolunda 5 nəfərin xəsarəti ilə yekunlaşan qəza baş verib. Bu barədə ShimalNews 23 sentyabr tarixində Report-a istinadən məlumat verir.
Qəza yolun Balaqusar kəndindən keçən hissəsində qeydə alınıb. Məlumata əsasən, "VAZ-2107" markalı minik avtomobili "KamAZ" markalı yük avtomobilinə çarpılıb. Nəticədə 46 yaşlı Faizat Vahabova, 38 yaşlı Aynurə Kərimova, 34 yaşlı Radmila Məmmədova, 44 yaşlı Ulduz Ağayeva və 31 yaşlı Nadir Məhsimov yaralanıblar.
Qusar rayon sakinləri müxtəlif dərəcəli bədən xəsarətləri ilə Qusar Rayon Mərkəzi Xəstəxanasına çatdırılıblar.
Araşdırma aparılır.
