Avtomobil qəzasında həlak olan hərbçilərdən biri, əsgər Səxavət Axundov Xaçmaz sakini imiş. Bu haqda ShimalNews 5 yanvar tarixində Qafqazinfo.az-a istinadən məlumat verir.
Yanvarın 4-də Laçın rayonunda çətin relyefli dağlıq ərazidə hərbi nəqliyyat vasitəsi qəzaya uğrayıb. Hadisə nəticəsində Azərbaycan Ordusunun hərbi qulluqçuları Səxavət Axundov və Həsən İsmayılov həlak olublar.
S. Axundov Xaçmaz rayonunun Sayad kənd sakini idi.
Qeyd edək ki, Səfərbərlik və Hərbi Xidmətə Çağırış üzrə Dövlət Xidmətinin İctimaiyyətlə İş və Beynəlxalq Əlaqələr şöbəsinin rəisi Pərviz Sədrəddinov bildirib ki, avtoqəzada ölən hərbçilərin xidmət vaxtı həlak olmalarını təsdiq edən rəsmi arayış təqdim olunduqdan sonra onlara şəhidlik statusu veriləcək.
