Xaçmazda dövlət tədbirlərinə Rayon İcra Hakimiyyəti 159.925,4 manat pul xərcləyəcək. Bu barədə ShimalNews 9 iyun tarixində “Qaynarinfo”ya istinadən məlumat verir.
İl ərzində keçiriləcək anım və hüzn günləri, dövlət və peşə bayramları ilə əlaqədar tədbirlərin təşkili ilə "ELVİ.M.M. SERVİCES GROUP" MMC məşğul olacaq.
Bir müddət əvvəl həmin şirkətlə Yevlax Rayon İcra Hakimiyyəti arasında satınalma müqaviləsi imzalanmışdır. Sənədə əsasən, 28 May - Müstəqillik Günü ilə əlaqədar bayram tədbirləri təşkil olunub.
İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, sözügedən şirkət 11 noyabr 2016-cı ildə qeydiyyata alınıb. Onun nizamnamə kapitalı 834.127 manatdır. Hüquqi qeydiyyat ünvanı isə Bərdə şəhəri, Nizami küçəsi, ev 115-də yerləşir. Təmsilçi İsgəndərov Coşqun Fəxrəddin oğludur.
