Xaçmaz Şəhər Mədəniyyət Mərkəzində “Nurlu ömrün anları” tamaşası ictimaiyyətə təqdim edilib. Bu haqda ShimalNews 27 iyul tarixində RİH-yə istinadən məlumat verir.
Tamaşa İrəvan Dövlət Azərbaycan Dram Teatrının aktyorları tərəfindən səhnələşdirilib. Onun müəllifi Əməkdar mədəniyyət işçisi şair-dramaturq İftixar Piriyevdir. Burada ümummilli lider Heydər Əliyevin zəngin həyatından, siyasi fəaliyyətindən, azərbaycançılıq və dövlətçilik məfkurəsindən bəhs edilib.
İştirakçılar sırasında RİH başçısının müavini Günel Nürəddinova, şəhid ailələri, mədəniyyət işçiləri və ictimaiyyət nümayəndələri olub.
