Narkotik vasitələri əldə etməsi, saxlaması, daşıması və satmasında şübhəli bilinən Xaçmaz rayon sakinləri Abas Abbasov, Coşqun Qədirov, Ramid Nəsrullayev, Fikrət Əliyev və Quba rayon sakini Firidun Məmmədov saxlanılıblar. Bu barədə ShimalNews 5 fevral tarixində DİN-in Mətbuat Xidmətinə istinadən xəbər verir.
Xaçmaz Rayon Polis Şöbəsinin əməkdaşları silsilə əməliyyatlar keçiriblər. Saxlanılan şəxslərin üzərlərinə baxış keçirilən zaman narkotik vasitə olan heroin, marixuana və psixotrop maddə olan metamfetamin aşkar olunaraq götürülüb.
Faktla bağlı cinayət işi başlanılıb. Məhkəmənin qərarı ilə Abas Abbasov, Coşqun Qədirov, Firidun Məmmədov və Fikrət Əliyev barələrində həbs qətimkan tədbiri, digər şəxsin barəsində isə polisin nəzarəti altına vermə qətimkan tədbiri seçilib.
