Xaçmaz icra başçısı İstisu qəsəbəsində sakinləri qəbul edib. Bu barədə ShimalNews 23 sentyabr tarixində Xaçmaz RİH-yə istinadən məlumat verir.
Elnur Rzayev yerli hüquq-mühafizə orqanlarının və xidmət təşkilatlarının rəhbərləri ilə birlikdə İstisu qəsəbəsi və Vələmir kəndinin sakinlərini qəbul edib. Görüş zamanı yeni salınan yaşayış massivinin qazlaşdırılması, içməli su ilə təmin edilməsi, məktəb binasının əsaslı təmiri, uşaq bağçasının inşası və bir neçə fərdi müraciət səsləndirilib.
İcra başçısı vətəndaşları narahat edən məsələlərin həlli istiqamətində müvafiq tapşırıqlarını verib. Müraciətlərin böyük hissəsi yerindəcə həll edilib.
