Xaçmaz rayonunda yerləşən “Qafqaz konserv zavodu” MMC-də yanğın-taktiki təlim keçirilib. Bu barədə ShimalNews 23 sentyabr tarixində Fövqəladə Hallar Nazirliyinə istinadən məlumat verir.
Təlim FHN-in Dövlət Yanğından Mühafizə Xidmətinin təşkilatçılığı və Şimal Regional Mərkəzinin iştirakı ilə baş tutub. Onun əsas məqsədi sənaye müəssisələrində yanğın baş verdikdə xilasetmə qüvvələri və ilkin davranış qaydaları barədə biliklərin artırılması olub.
Təlim planına uyğun olaraq, zavodun inzibati binasında şərti yanğın baş verib. “Hadisə yerinə” yanğın-xilasetmə qüvvələri gəlib və “köməksiz vəziyyətdə qalmış” insanlar təxliyə edilərək onlara “ilkin tibbi yardım” göstərilib. “Yanğın genişlənməsinə imkan verilmədən qısa müddətdə söndürülüb”.
Təlimdən sonra əldə edilmiş nəticələr müzakirə olunub, müvafiq tapşırıqlar verilib.
