Xaçmazda istehsal olunan "İpək Su" AQTA tərəfindən aşkar olunan nöqsanlara münasibət bildirib. Bu barədə ShimalNew 22 iyul tarixində Marja.az-a istinadən məlumat verir.
Öncə adıçəkilən əmtəə nişanının üzərində “bulaq suyu” qeyd edilməsi haqqında məqalə dərc edilmişdir. Qida təhlükəsizliyi yoxlamaları keçirilən zaman suyun mənbəyinin “Xaçmaz rayonu artezian suyu” olması təsdiq edilmişdir.
"İpək Su" şirkətinin rəsmiləri bildiriblər ki, artezian qurğu mexaniki vasitələrdən istifadə etməklə yerin dərin qatında yerləşən suyun çıxarılması üçün istifadə edilir:
Bu baxımdan da artezian qurğularla yerin dərin qatından əldə edilən suyun keyfiyyəti, heç də üst qatına çıxan suyun keyfiyyətindən aşağı sayılmır. Əksinə, əminliklə qeyd etmək olar ki, çox hallarda artezian qurğular vasitəsilə əldə edilmiş su məhsulu mineral tərkibinin göstəricilərinin zənginliyi baxımından yerin üst qatından əldə edilmiş su məhsulunu mineral zənginliyinə və insan orqanizminə verdiyi faydaya görə üstələyir.
