Xaçmaz Rayon İcra Hakimiyyətinin başçısı Elnur Rzayev Moruqoba kəndinə səfər edib. O, sakinləri narahat edən məsələlərlə yerindəcə tanış olub. Bu barədə ShimalNews 23 sentyabr tarixində quruma istinadən məlumat verir.
Rayon mərkəzindən xeyli aralıda yerləşən Moruqoba kəndində əhali əsas çətinliklərin elektrik təchizatı, qaz və yol təsərrüfatına aid olduğunu bildiriblər.
Elnur Rzayev sakinləri dinləyərək onları narahat edən məsələlərin aradan qaldırılması istiqamətində müvafiq tapşırıqlar verib.
Səmimi söhbət zamanı icra başçısı bildirib ki, hazırda Maqsudkənd kəndinin qazlaşdırılması istiqamətində iş aparılır. Armudpadar, Əhmədoba və Həsənqala kəndlərində isə elektrik təsərrüfatı müasir formada yenidən qurulub. Daha 9 kənddə işlər davam edir. Gələcəkdə bu və ya digər lahiyələr Moruqoba kəndində də reallaşacaq.
