“Azərişıq” ASC-nin Şimal Regional qurumunda yeni kadr təyinatı olub. Bu haqda ShimalNews 10 yanvar tarixində “7Times”a istinadən xəbər verir.
Müvafiq əmrlə Natiq Mustafayev idarədə məsul vəzifədə çalışacaq.
Məlumata görə, “Azərişıq” ASC 2019-cu ildə Qusarçay kəndi ərazisində təmir işləri icra edərkən martın 22-sində nəzarətçi mühəndis Əhməd Ağamovu cərəyan vuraraq öldürüb. Həmin vaxt N.Mustafayev Xaçmaz Elektrik Şəbəkəsinin mühəndisi vəzifəsində çalışmış və elektrik xəttini gərginlikdən ayırmaq barədə göstəriş verməyi unutmuşdu.
Məhkəmənin qərarı ilə Azərbaycan Respublikası Cinayət Məcəlləsinin 162.2 maddəsinə əsasən (ehtiyatsızlıqdan insan ölümünə səbəb olma), N.Mustafayevin təqsiri sübuta yetirilmiş, o, 3.6 il müddətində azadlıqdan məhrum edilmişdir.
