Təhsil Tələbə Krediti (TTK) Fondu şimal bölgəsində təbliğat-təşviqat məqsədli görüş keçirib. Bu barədə ShimalNews 23 sentyabr tarixində adıçəkilən quruma istinadən məlumat verir.
Tədbir Quba rayonunda Quba-Xaçmaz Regional Təhsil İdarəsinin təşkilatçılığı ilə baş tutub.
Burada kredit fondunun sədr müavini Tahir Xələfov, əməkdaşları Ağca Məmmədova və Emin Şeydayev, Quba-Xaçmaz RTİ-nin müdiri Rüfət Hacıyev, Quba rayon İcra Hakimiyyətinin nümayəndəsi Anar Məmmədov, Quba-Xaçmaz RTİ-nin Qusar rayonu üzrə təhsil sektorunun müdiri Nairə Kliçova, ali və orta ixtisas təhsil müəssisələrinin tələbələri və orta ümumtəhsil məktəblərinin buraxılış siniflərinin şagirdləri iştirak ediblər.
Tələbələr və tələbə olmaq istəyənlər üçün yaradılan imkanlar, təhsil tələbə kreditlərinin verilməsi qaydaları haqqında və, eləcə də TTK haqqında tədbir iştirakçılarına ətraflı məlumat verilib.
Sonra iştirakçıların sualları cavablandırılıb və təklifləri dinlənilib.
