Qusarda “Özünüməşğulluq proqramı üzrə aktivlər ilə təmin olunmuş vətəndaşların çətinliklərinin öyrənilməsi ilə bağlı görüş” keçirilib. Bu barədə ShimalNews 23 sentyabr tarixində Quba Destinasiya Menecmenti Təşkilatına istinadən məlumat verir.
Qusar şəhərinin Gənclər Evində təşkil edilən görüşdə sahibkarların aqroturizm, qonaq evləri, kənd təsərrüfatı, heyvandarlıq, arıçılıq mövzusunda mövcud problemləri ətraflı müzakirə olunub. Həmçinin tədbir iştirakçılarına gələcəkdə planlaşdırılan vahid qonaq evlərinin satış portalı olacaq mehman.az platforması haqqında ətraflı məlumatlar verilib.
Görüşdə Qusar Rayon İcra Hakimiyyəti, Qusar Dövlət Aqrar İnkişaf Mərkəzi, Dövlət Məşğulluq Agentliyi və Ərazi Vergilər İdarəsi nümayəndələri iştirak ediblər.
