Dövlət Gömrük Komitəsinin (DGK) Şimal Ərazi Baş Gömrük İdarəsinin rəisi işdən çıxarılıb. Bu haqda 1 iyun tarixində ShimalNews adıçəkilən quruma istinadən məlumat verir.
Bununla bağlı gömrük xidməti general-leytenantı Şahin Bağırov sərəncam imzalayıb. Sərəncama əsasən, Rauf Rzayev təqaüdə göndərilib.
Dövlət Gömrük Komitəsində təqaüdə çıxan Rauf Rzayev və yaş həddi ilə əlaqədar təqaüdə çıxan Əməliyyat-İstintaq Baş İdarəsi rəisinin birinci müavini Güloğlan Muradlı ilə görüş keçirilib. Komitənin sədri sabiq əməkdaşlara gömrük sistemində uzun illər fəaliyyətlərinə görə təşəkkürünü bildirib, onlara gələcək həyat fəaliyyətlərində uğurlar arzulayıb.
