Bakı - Qusar, Bakı - Xudat və Bakı - İsmayıllı - Bakı şəhərlərarası müntəzəm avtobus marşrutları müsabiqəyə çıxarılır. Bu barədə ShimalNews 2 iyun tarixində Azərbaycan Yerüstü Nəqliyyat Agentliyinə (AYNA) istinadən məlumat verir.
İddiaçıların təklifləri komissiya tərəfindən Bakı - Qusar - Bakı istiqamətində 11, Bakı - Xudat - Bakı istiqamətlərinin hərəsində 3 və Bakı - İsmayıllı - Bakı istiqamətlərinin hərəsində 1 Lot üzrə baxılacaq. Lotlar üzrə marşrutların qrafikləri haqqında məlumatı buradan əldə etmək olar.
İddiaçılar müsabiqədə iştirak etmək üçün tələb olunan sənədləri bu gündən başlayaraq 30 gün müddətində AYNA-ya təqdim etməlidirlər.
Əlaqələndirici şəxs: Ramil Musayev – (012) 567-99-76, (055) 512-34-97.
