Xəbər verdiyimiz kimi, Xaçmaz şəhərindəki Çingiz Abdullayev adına 2 saylı tam orta ümumtəhsil məktəbin ibtidai sinif müəllimi Elnarə Hümmətova dünən vəfat edib.
Bizim.Media-nın məlumatına görə, həmin məktəbin direktoru Sevinc Sədullayeva dünyasını dəyişən müəllim barədə danışıb.
Onun sözlərinə görə, Qubanın Qalaxudat kəndində doğulan Elnarə Hümmətova 2001-ci ildə ailə quraraq Xaçmaza gəlin köçüb:
“2008-ci ildən bu məktəbdə işləyirdi. 2 oğlu, 1 qızı var. Qızı birinci sinifdə oxuyur. Oğlanlarından biri Türkiyədə magistraturada, digəri isə Bakıda ali məktəbdə oxuyur”.
Sevinc Sədullayeva mərhumun bu gün yaşadığı Qaraqurtlu kənd qəbristanlığında torpağa tapşırılacağını deyib.
Qeyd edək ki, Elnarə Hümbətova evinin hamam otağında ürəktutmadan dünyasını dəyişib.
