Qusarda 26,7 kilometrlik avtomobil yolunun təmiri davam etdirilir.
Shimal.News xəbər verir ki, Quxuroba-Hiloba-Yasaoba-Əniqoba-Aşağı İmamqulukənd-Şirvanlı avtomobil yolunun əsaslı təmiri Azərbaycan Avtomobil Yolları Dövlət Agentliyi (AAYDA) tərəfindən aparılır.
Artıq yolun 8 kilometrlik hissəsi asfaltlanaraq istifadəyə verilib. Qalan 18,7 kilometrlik hissədə isə yol yatağının tikintisi başa çatdırılıb.
Layihənin həyata keçirilməsi ilə ərazidə yaşayan sakinlərin gediş-gəlişinin daha rahat və təhlükəsiz olması nəzərdə tutulur.