Xaçmaz, Nabran, Niyazoba və Şimal dalğıc-axtarış qrupu üçün məntəqələrin tikintisi nəzərdə tutulub.
Shimal.News xəbər verir ki, Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin bu məntəqələrinin tikintisi üçün nazirlikdən vəsait ayrılıb.
Yeni məntəqələrin yaradılmasında məqsəd FHN-in sularda xilasetmə imkanlarını genişləndirmək və xilasetmə qrupları üçün daha əlverişli iş şəraiti yaratmaqdır.
Obyektlərin fəaliyyəti su hövzələrində baş verə biləcək hadisələrə daha operativ müdaxilə, xilasedicilərin hadisə yerinə daha qısa müddətdə çatması, texnika və avadanlıqların əlçatan saxlanılması baxımından əhəmiyyət daşıyacaq.
