Qaxda birinci və üçüncü siniflər birləşdirildiyi üçün valideynlər narahatdırlar.
Söhbət rayonun Əziz Abdullayev adına Marsan kənd tam orta məktəbindən gedir. Məktəbdə yaş fərqi olan ibtidai siniflərin birləşdirilərək eyni otaqda tədris olunması, xüsusilə birinci sinif şagirdlərinin valideynlərini narahat edir.
Valideynlər bildirirlər ki, eyni müəllimin həm birinci, həm də üçüncü sinif şagirdlərinə eyni vaxtda dərs keçməsi və vaxtını iki sinif arasında bölməsi qəbuledilməzdir. Onların sözlərinə görə, bu halda xüsusilə birinci sinif şagirdlərinin təlim prosesində çətinliklərlə üzləşməsi mümkündür.
Valideynlərin iddiasına görə, əslində siniflərdən birində 10 şagird olmalı və bu halda siniflərin birləşdirilməsinə ehtiyac yaranmamalı idi. Lakin şagirdlərdən birinin qeydiyyatının gecikməsi nəticəsində belə bir addım atılıb.
Video: XəzərXəbər
