Xaçmaz Rayon İcra Hakimiyyəti (RİH) Niyazoba kəndində növbəti dəfə sakinlərlə görüş təşkil edib. Bu barədə ShimalNews 17 may tarixində xəbər verir.
Səyyar qəbulda Niyazoba İnzibati Ərazi Dairəsi üzrə nümayədəliyinə daxil olan Niyazoba, Əbilyataq, Qarabağlı, Ağçay və Qarğalıq kəndlərinin sakinləri iştirak ediblər.
İcra başçısı Elnur Rzayev, yerli hüquq mühafizə orqanlarının rəhbərləri və xidmət təşkilatlarının məsul şəxsləri ilk öncə Şəhidlər Abidə-Bulaq Kompleksini ziyarət edərək, şəhidlərimizin əziz xatirəsini ehtiramla anıblar.
Sakinlər elektrik təsərrüfatının yenilənməsi, suvarma suyu ilə təchizatın yaxşılaşdırılması, avtomobillərin təhlükəsiz hərəkəti üçün yol nişanlarının qoyulması ilə bağlı müraciətlər səsləndiriblər.
