Qusar və İsmayıllı rayonlarının meşəbəyliklərində “Təmiz ölkəm” aksiyası çərçivəsində ərazilər təmizlənib. Bu barədə ShimalNews 24 iyul tarixində Ekologiya və Təbii Sərvətlər Nazirliyinə (ETSN) istinadən məlumat verir.
Meşəbəyliklərdə ümumilikdə 4.5 tondan artıq müxtəlif növ tullantı yığılaraq ərazilərdən daşınıb.
Tədbirdə nazirliyin regional bölmələri, yerli icra orqanlarının əməkdaşları, Mənzil-Kommunal Təsərrüfatı və İstehsalat Birliyinin nümayəndələri və əhali iştirak ediblər.
Ekologiya Nazirliyi hər kəsi təbiət qoynunda dincələrkən təmizliyə riayət etməyə çağırıb.
Eləcə də atılan hər bir tullantının böyük yanğınlara səbəb ola biləcəyi bildirilib.
