Xaçmaz şəhərinin mərkəzi küçələrinin birində antisanitar vəziyyət aradan qaldırılıb.
Bir gün öncə sakinlər Shimal.News-a məlumat veriblər ki, Rəşid Behbudov küçəsində (köhnə “Zaporojets” markalı avtomobili ilə tanınan) antisanitar vəziyyət hökm sürür. Ərazidəki zibil qabları dolub-daşır, tullantılar ətrafa səpələnir. Güclü küləyin əsməsi bir tərəfdən, sahibsiz küçə itləri də digər tərəfdən bu zibili şəhərin müxtəlif hissələrinə səpərək, daha da xoşagəlməz vəziyyət yaradır. Eyni zamanda ərazidən keçən qaz xətti, ayaq altında qalan zibil hərəkəti mümkünsüz edir.
Artıq müvafiq qurumlar tərəfindən tədbir görülüb və problem həllini tapıb.
