Rüşvətə görə həbs edilən Quba-Xaçmaz Regional Təhsil İdarəsinin sabiq müdiri Rüfət Hacıyevin istintaqı davam edir. Bu barədə ShimalNews 23 may tarixində məlumat verir.
Prokuror seçilmiş həbs qətimkan tədbiri müddətinin uzadılması ilə bağlı məhkəməyə təqdimat verib. Binəqədi Rayon Məhkəməsi təqdimatı təmin edib. Qərara əsasən, həbs müddəti daha 3 ay uzadılıb.
Rüfət Hacıyevin vəkili həbs qətimkan tədbirinin ev dustaqlığı ilə əvəz edilməsi ilə bağlı vəsatət verib. Lakin məhkəmə vəsatəti təmin etməyib.
Daha öncə sabiq müdirin Azərbaycan Respublikasının Cinayət Məcəlləsinin 308.1-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham olunduğu haqda xəbər vermişdik.
