Xınalıq kəndinin və Xaltan İnzibati Ərazi Dairəsinə daxil olan Qubanın 6 kəndinin rayon mərkəzi ilə əlaqəsi kəsilib.
Bu barədə Shimal.News-a məlumat verən sakinlər bildirirlər ki, 3-cü gündür yollar bağlanıb: “Üç gündür yol bağlıdır. Yüzə yaxın elektrik dirəyi sıradan çıxıb və nəticədə işıqlar da yanmır”.
5 saylı Yol istismar idarəsinin sahə rəisi Bilal Sultanov faktı təsdiqləyib:
“Güclü qar yağması, daşların və qaya parçalarının yola tökülməsi səbəbindən Quba-Xınalıq yolunun 36-cı km-dən sonra yol bağlanıb. Yolu açmaq üçün tədbirlər görülür”.
