Axşam saatlarında Zaqatala rayonunun Muxax kəndi ərazisində piyadanın vurulması ilə nəticələnən ağır yol qəzası baş verib
Azərtac-ın məlumatına görə, kənd sakini, 37 yaşlı Elmir Mikayılov idarə etdiyi "VAZ 2106" markalı avtomobillə həmkəndlisi, 61 yaşlı Murad Atayevi yolu keçən zaman vurub.
Hadisə yerinə təcili tibbi yardım briqadası cəlb olunub. Müxtəlif dərəcəli bədən xəsarətləri alan Murad Atayev Zaqatala Rayon Mərkəzi Xəstəxanasına çatdırılıb. Onun müalicəsi xəstəxananın Cərrahiyyə korpusunda davam etdirilir.
Faktla bağlı rayon polis şöbəsində araşdırma aparılır.
