Xaçmazın Xudat şəhərində şəhid qardaşının toy məclisi keçirilib.
Vətən müharibəsi şəhidi Elvin Məlikməmmədovun qardaşı Elmir Məlikməmmədov ailə qurub. Toyda iştirak edən qonaqlar arasında İcra Hakimiyyətinin başçısı Elnur Rzayev, şəhid ailələri, qazilər və ictimaiyyət nümayəndləri olub.
Şəhid Elvin Məlikməmmədov 2002-ci il mayın 20-də Xudatda anadan olub. Vətən müharibəsində iştirak edib, oktyabrın 4-də Suqovuşan döyüşlərində şəhid olub. Prezidenti İlham Əliyevin 15.12.2020-ci il tarixli Sərəncamına əsasən, Elvin Məlikməmmədov ölümündən sonra "Vətən uğrunda" medalı ilə təltif edilib.
